ВЕРСИЯ ДЛЯ СЛАБОВИДЯЩИХ

МУНИЦИПАЛЬНАЯ БЮДЖЕТНАЯ ОБРАЗОВАТЕЛЬНАЯ ОРГАНИЗАЦИЯ

"БАЯГИНСКАЯ СРЕДНЯЯ ОБЩЕОБРАЗОВАТЕЛЬНАЯ ШКОЛА им И.М. ХАТЫЛАЕВА"

МУНИЦИПАЛЬНЫЙ РАЙОН "ТАТТИНСКИЙ УЛУС"

 

 

Үөрэх сонуннара

Үөрэх  сонуннара:

- Олунньу 20 күнүгэр биһиги үөрэнээччилэрбит нуучча тылыгар региональнай олимпиадаҕа  бэйэлэрин кыахтарынан кыттан кэллилэр. Ону сэргэ хамаанданан интеллектуальнай оонньууга билиилэрин бэрэбиэркэлэннилэр;

-  Ыаллыы сытар Уолба нэһилиэгэр сылын аайы ыытыллар олимпийскай ааҕыыларга биһиги оскуолаттан Потапова Туйаара иккис миэстэ буолла;

-  Экзамеҥҥа бэлэмнэнии үлэтэ сыл устата ыытылла турар. 9, 11 кылаас оҕолоро экзаменнарын таллылар. Бу күннэргэ математикаҕа уонна нуучча тылыгар төһө бэлэмнээхтэригэр тургутук ааһыахтара;

- Бу ый 17-22 күннэригэр “МИФ” нэдиэлэ тэрээһиннээхтик ыытылынна. Тэрийээччилэр кылааһы барытын хабан араас күрэхтэһиилэри тэрийдилэр. Ол курдук нэдиэлэ устата “Биржа знаний” оонньууга хас биирдии үөрэнээччи учууталлартан араас таһымнаах сорудахтары ылан реал хомуйуста. Түмүккэ, аукционтан сөбүлээбит бириистэрин “атыылаһан” үөрэн-көтөн тарҕастылар. Бөлөхтөрүнэн 5-7 кылаастарга матбой (кыайыылаах – Романова Анита хамаандата), 8-9 кылаастарга физматбой (кыайыылаах – Афанасьева Милена хамаандата) уонна 10-11 кылаастарга “Ассорти” оонньуу (кыайыылаах – Мандарова Нюргуяна хамаандата) буолла.

Тэрээһиҥҥэ кыттыһан, алын сүһүөх учууталлара “Аҕа уолунаан” диэн саҥа солун күрэҕи сэргэхтик ыыттылар. Тыҥааһыннаах түһүмэхтэри, логическай оонньуулары ситиһиилээхтик ааһан, Кычкин Володя (IV кыл.) убайынаан Хатылаев Егор Романовичтыын эрэллээхтик бастаата.

“МИФ” нэдиэлэ устата үөрэнээччи техническэй предметтэргэ билиитин кэҥэттэ, урукку базатын чиҥэттэ, саҥаны элбэҕи биллэ;

- Олунньу 27 күнүгэр Дьохсоҕон орто оскуолатыгар суруйааччы Реас Алексеевич Кулаковскай төрөөбүтэ 100 сылыгар аналлаах начальнай кылаастарга улуустааҕы дьүһүйүү күрэҕэ буолан ааста. Биһиги оҕолорбут ситиһиилээхтик кыттан III миэстэ буоллулар.

* * *

- Олунньу 24-28 күннэригэр оскуолабытыгар айылҕа уонна сатабыл нэдиэлэтэ (естественнэй-технологоческай метод.холбоһук) ыытылынна. Ол курдук алын сүһүөх кылаас оҕолоругар айылҕа матырыйаалларыттан оҥоһук конкурса  Бөлөхтөрүнэн биологияҕа, географияҕа уонна технологияҕа сыһыаннаах викториналар, оонньуулар буоллулар. Нэдиэлэни кылаастарынан айылҕа матырыйаалларын туһанан авангарднай көстүүм күрэҕэ (кыайыылаахтар  5, 10 кылаастар) уонна айылҕа туһунан хоһооннору ааҕыы түмүктээтэ.

* * *

- Кулун тутар 1 күнүгэр бастакы кылаас оҕолоро билиигэ сирдиир, ааҕарга-суруйарга үөрэппит кинигэлэрин түмүктээн, “Буукубаар, быраһаай! ” бырааһынньыктаатылар.

 

 

 

* * *

СПОРТ СОНУННАРА:

Спорт – чөл олох төрдө. Бу ыйдарга биһиги спортка ситиһиибит үгүс. Ол курдук:

- Быйылгы Сочитааҕы XXII кыһыҥҥы олимпиада чэрчитинэн физкультура метод.холбоһуга оскуолабыт иһигэр олимпийскай нэдиэлэни тэрээһиннээхтик ыытта. Бу нэдиэлэҕэ бэйэбит выпускниктарбыт, студеннар Андросов И.А., Андросова С.А. уонна Попов М.А. күүс-көмө буоллулар. Тэрийээччилэр нэдиэлэ устата кылаастарынан араас күрэхтэһиилэри тэрийдилэр: алын сүһүөх кылаас оҕолоругар физрук Кустуров Н.Н. “Большие гонки” оонньууну (кыайыылаах – Мандаров Алеша хамаандата), 5-7 кылаастарга физрук Власов Н.Н. “Пионербол” (кыайыылаах – VII кылаас), 9-11 кылаастарга волейбол, баскетбол күрэҕин (кыайыылаах – 10«а» кылаас) ыыттылар. Практикантка Андросова С.А. нэһилиэнньэҕэ аэробика дьарыгын, Попов М.А. уонна Андросов И.А. улахан кылаас оҕолоругар сарсыардааҥы сүүрүү, дьарыгын тэрийдилэр, студеннар сыһыарыылаах кылаастарыгар профилактическай кылаас чаастары ыыттылар. Ону таһынан алын сүһүөх оҕолоро олимпиада тематыгар уруһуйдаатылар, түмүккэ Шамаев Толя уонна Егорова Алина кыайыылаах таҕыстылар.

- Олунньу 12 күнүгэр улуустааҕы теннис күрэҕэр 5 кылаас үөрэнээччитэ Луковцев Стас III миэстэни, абсолютнайга I миэстэни ылан, Таатта улууһун сборнай хамаандатын састаабыгар киирдэ, республиканскай теннис күрэҕэр кыттар  чиэскэ тиксэн ситиһиилээхтик күрэхтэһэн кэллэ;

- Олунньу 24-25 күнүгэр Чычымах нэһилиэгэр «Снежный барс» күрэххэ “Эрэл” хамаанда (сал. Потапов С.Н.) кыттан кэллэ. Күрэхтэһиигэ уопсайа 22 хамаанда кыттан байыаннай үрдүк таһымнаахтарын, спортивнай бэлэмнээхтэрин көрдөрдүлэр. Строевой хаамыыга, сыал ытыыга, эстафетаҕа уо.д.а.  күрэхтэстилэр. Биһиги оҕолорбут бэйэлэрин кыахтарынан кыттан элбэххэ үөрэнэн кэллилэр.