ВЕРСИЯ ДЛЯ СЛАБОВИДЯЩИХ

МУНИЦИПАЛЬНАЯ БЮДЖЕТНАЯ ОБРАЗОВАТЕЛЬНАЯ ОРГАНИЗАЦИЯ

"БАЯГИНСКАЯ СРЕДНЯЯ ОБЩЕОБРАЗОВАТЕЛЬНАЯ ШКОЛА им И.М. ХАТЫЛАЕВА"

МУНИЦИПАЛЬНЫЙ РАЙОН "ТАТТИНСКИЙ УЛУС"

 

 

Андросовтар учуутал династиелара

Кулун тутар бастакы нэдиэлэтигэр олохтоох модельнай библиотека (сал. Кустурова А.Н.) көҕүлээһининэн оскуолаҕа Андросовтар учуутал династиеларыгар аналлаах “Учуутал олоҕо” диэн нэдиэлэ тэрээһиннээхтик ыытылынна. Ол курдук:

-          5-11 кылаастарга Андросовтар династия айымньылаах үлэлэрин билиһиннэрэр, үөрэнээччилэргэ кэпсиир-сырдатар кылаас чаастара буоллулар. Бу күн Андросовтар учуутал династия бэрэстэбиитэллэрэ, кинилэри кытта бииргэ үлэлээбит ветеран учууталлар уонна үөрэппит оҕолоро кэлэн ыалдьыттаан, уруккуларын истиҥник санаан, оҕолорго кэс тылларын этэн бардылар;

-          СР үөрэҕириитин туйгуна, ветеран математик учуутал Владимир Семенович Андросов “Учуутал – сатабыл, билии-көрүү, айымньылаах олох бигэ тирэҕэ” кинигэ брошюратынан учууталларга аналлаах төгүрүк остуол буолла. Манна Владимир Семенович мустубут дьоҥҥо оҕону үөрэтиигэ, учуутал таһымын үрдэтиигэ туһулаан бэйэлэрин санааларын үллэһиннэ, көрүүлэрин эттэ. Учууталлар билиҥҥи кэмҥэ үлэлэригэр көрсөр кыһалҕаларын кэпсээтилэр, бэйэ-бэйэлэрин кытта санаа атастастылар.

-           Алын сүһүөх кылаас оҕолоругар үгэскэ кубулуйбут “Бастыҥ кэпсээнньит” Ксения Александровна Андросова аатынан остуоруйаһыттар, кэпсээнньиттэр конкурстара 10 сылын ыытылынна. Быйылгы күрэх улуу суруйааччы П.А.Ойуунускай кэпсээннэригэр аналлаах буолла. Ону сэргэ остуоруйа айыытыгар уонна уруһуйга кылаастар кытыннылар. Түмүккэ, бастыҥ кэпсээнньит аатын интэриэһинэй кэпсээнинэн, чуор куолаһынан барыларыттан ордон 1 кылаас үөрэнээччитэ Луковцева Туйаара (кыл.сал.Мандарова М.К.) ылан үөрүүтэ үксээтэ.