ВЕРСИЯ ДЛЯ СЛАБОВИДЯЩИХ

МУНИЦИПАЛЬНАЯ БЮДЖЕТНАЯ ОБРАЗОВАТЕЛЬНАЯ ОРГАНИЗАЦИЯ

"БАЯГИНСКАЯ СРЕДНЯЯ ОБЩЕОБРАЗОВАТЕЛЬНАЯ ШКОЛА им И.М. ХАТЫЛАЕВА"

МУНИЦИПАЛЬНЫЙ РАЙОН "ТАТТИНСКИЙ УЛУС"

 

 

Кулун тутар ый – уйулҕа уонна доруобуйа декадата.

Кулун тутар ый – уйулҕа уонна доруобуйа декадата. Бу декада биһиги оскуолабытыгар үрдүк таһымнаахтык ыытылла турар. Ол курдук:

-          Кулун тутар 1 күнүгэр чөл олоҕу, спорду пропагандалаан, “Ийэ кыыһынаан, аҕа уолунаан” диэн улахан кылаас оҕолоругар уонна төрөппүттэригэр волейбол күрэҕэ ыытылынна. Тыҥааһыннаах киирсии кэнниттэн 11 кылаас уолаттарын уонна 10 кылаас кыргыттарын хамаандата кыайыылаах таҕыста;

-          Кулун тутар 5 күнүгэр учууталларга уонна детсад үлэһиттэригэр “Доруобуйа күнэ” диэн сонун тэрээһин буолла. Бу күн уруок кэннэ бары мустан, эти-хааны чэбдигирдэр хамсаныылары оҥордубут, араас күрэхтэһиилэргэ кытынныбыт. Ол курдук саахымат, дуобат, муннук былдьаһыыта, теннис уонна волейбол күрэҕэ ыытылынна. Бары бэйэбит кыахпытынан араас күрэхтэһиилэргэ кыттан бириэмэбитин туһалаахтык атаардыбыт, дуоһуйа сынньанныбыт. 

-          Кулун тутар 6 күнүгэр төрөппүтү оскуолаҕа чугаһатар сыаллаах кэрэ аҥардар күннэрин бырааһынньыга буолан ааста. Бырааһынньыгы кылаастар оҥорбут сибэкки дьөрбөлөрө (букет), алын кылаас оҕолоро ийэлэрин уруһуйдаабыт мэтириэттэрэ, айар үлэлэрэ, куукулаларын быыстапкалара уонна ийэҕэ анаммыт истиҥ тыллаах хоһооннор киэргэттилэр. Төрөппүттэр араас омук үҥкүүтүн үҥкүүлээн, айар үлэ абылаҥар уйдаран хоһоон айан, араас кэмҥэ хит буолбут ырыалары таайан, оонньоон-көрүлээн бу күнү сэргэхтик атаардылар.